Saturday, June 16, 2007

യാത്ര

യാത്രകള്‍ അയാള്‍ക്ക്‌ എന്നും
ഒരു ഹരമായിരുന്നു..
ഒരോ യാത്രയിലും അയാള്‍
അതിന്റെ അനുഭൂതി
കണ്ടു,അനുഭവിച്ചു...
പക്ഷേ,
അതു തന്നെ അയാള്‍
ജീവിത യാത്രയിലും
പകര്‍ത്താന്‍ ശ്രമിച്ചു..
മുന്നില്‍ ലക്ഷ്യ സ്ഥാനം
വളരെ അടുത്ത്‌..
പക്ഷേ
അതില്‍ നിറയെ
കുപ്പിച്ചില്ലുകളും മുള്ളുകളും
പിന്നെ കൂര്‍ത്ത കല്ലുകളും..
ലക്ഷ്യസ്ഥാനത്ത്‌ എത്താന്‍
അയാള്‍ സുഖകരമായ
പാത തേടിപോയി..
പക്ഷേ,
ആ സുഖകരമായ
പാതക്കരികില്‍ ഉള്ള
അഴുക്കുചാലുകള്‍ അയാള്‍
കണ്ടിട്ടും കണ്ടില്ലെന്ന്
നടിച്ചു...
പിന്നെ,
യാത്രക്കിടയില്‍ അയാള്‍
ആ അഴുക്കുചാലിലേക്ക്‌
വഴുതി വീണു..
പല തവണ..
എന്നിട്ടും അയാള്‍ യാത്ര
തുടര്‍ന്നു..
സഹയാത്രികരും
ഇത്‌ പോലെ തന്നെ..
എന്നിട്ടും അവര്‍ മൂക്ക്‌
പൊത്തി അവനോട്‌ പറഞ്ഞു..
"നിന്നെ നാറുന്നു"
കൂടെയുള്ളവര്‍ യാത്ര
അവസാനിപ്പിച്ചിട്ടും
അവന്‍ ലക്ഷ്യം തേടി പോയി..
പക്ഷേ ജീവിത സായഹ്നത്തില്‍
അയാള്‍ ഒറ്റക്ക്‌..
കൂട്ടിന്‌ അയാളുടെ നിഴലും..
അയാള്‍ തന്റെ ഉടയോനോട്‌
ചോദിച്ചു...
"തെറ്റ്‌ തിരുത്താന്‍ ഒരവസരം?"
ഉടയോന്‍ പറഞ്ഞു.
"എല്ലാവര്‍ക്കും അവസാനം
ചോദിക്കാന്‍ ഇതേ കാണൂ
മകനേ,
നീ എന്നിലേക്ക്‌ മടങ്ങാന്‍
തയ്യാറായികൊള്‍കാ..."
അയാള്‍ തന്റെ നിഴലിനെ
നോക്കി നെടുവീര്‍പ്പുതിര്‍ത്തു..
എന്നിട്ട്‌ പറഞ്ഞു..
"കുറച്ച്‌ നാള്‍ കൂടി
നീ എന്റെ കൂടെ..
പക്ഷെ അത്‌ എത്ര നാള്‍
അത്‌ കഴിഞ്ഞാല്‍
ഞാന്‍ തനിച്ചൊരു യാത്ര.."

4 comments:

മെലോഡിയസ് said...

എനിക്ക് തോന്നിയത് ഞാന്‍ എഴുതി :)

സു | Su said...

:) മോശമൊന്നുമില്ല.

മുസാഫിര്‍ said...

ഇനിയും എഴുതൂ.

സതീശ് മാക്കോത്ത് | sathees makkoth said...

എഴുതൂ.നന്നായിരിക്കുന്നു.